اضرار الملح السم الابيض

https://musclesbuilding.net/اضرار-الملح-السم-الابيض/
شارك هذه المقالة مع أصدقائك!

ليه الملح خطر كبير ؟ وليه لازم نخفف من الملاح ؟

طيب سؤال تاني :-

هو انا ممكن ماكلش ملح خالص ؟ واستغني عن الملح الأبيض ؟

دول اهم سؤالين ف اى كلام ممكن يتقال عن الملح 

, سمي الله وركز معايا عشان نفهم كل حاجة ببساطة  اضرار الملح السم الابيض :-

 الملح لو هنختصره ف حاجة فالحاجة دي هتكون ” صوديوم ” يعني اساس الملح هو الصوديوم , والصوديوم دا عنصر مهم جدا للجسم عشان :-

= ضغط الدم .

= شغل الأعصاب وكفاءة الجهاز العصبي .

وف نفس الوقت الصوديوم او الملح دا ممكن يكون مدمر وسم حرفيا للجسم

ف حالة انه كان بنسب عاليه , وع فترات طويلة ,,, مع الوقت والاستمرار في الإفراط فى الملح واكل الحوادق دا بيخلي :-

= ضغط الدم يعلي بشكل كبير .

= عدم استقرار ضغط الدم ” والتعرض للهبوط والغثيان بشكل متكرر “

= مع الوقت واستمرار ارتفاع ضغط الدم دا للاسف بيكون سبب كبير فى  الجلطات والسكتات القلبية .

تخيل الملح ممكن يسبب لشخص سكتة قلبية او جلطة !

شايف حجم التأثير المدمر !!

= حاجة اخيرة , وخاصه بالرياضة والجيم والفورمة , وهي ان كتر الملح يؤدي اختزان كميات من المياه عالية جدا تحت الجلد , وبناء عليه بيدي للجسم شكل طري ومش صلب ال بنقول عليه بالبلدي ” ميلييس ” .

 

الملح او الصوديوم زيه زي اى حاجة ف الدنيا ممكن تتعرض ل حاجيتن 

1 – Deficiency Of Sodium

او ” احتياج وفقدان تام لعنصر “

ودي حاجة #نااااادرة الحدوث جدا جدا ,,, صعب ان شخص يوصل لمرحلة انه يكون جسمه مفتقر تماما للصوديوم

واما بيحصل فيحصل بسبب “قيء – ترجيع ” مستمر وكبير لفترة طويلة

او اسهال لفترة طويلة ,,, أو صيام خاطيء زي صيام السوائل والعصائر والافتكاسات ال بتحصل كل شوية .

فأنت ايان كان الدايت بتاعك عامل ازاى , او مش بتستخدم ملح ابيض نهائيا وقاطع ملح تماما ” ال هو ملح الطعام ” فصعب جدا جسمك يتأثر بدا أو يحصل مشااكل 

عشان بكل بساطة الصوديوم بيدخل لجسمك من طرق تانية كتير غير ملح الطعام 

وهتفهم بالتفصيل في آخر المقال .

,,

2 – Over-Consumption Of Sodium 

او ” فائض كبير ف كم الصوديوم ف الجسم , الجسم مشبع بدرجة كبيرة جدا بالصوديوم !”

ودي بتحصل كتير بتحصل لناس كتير تقريبا بشكل يومي 

بسبب طبقين مخلل مع الفطار وزيهم مع الغذاء وست معالق ملح ف طبق الملوخية ,,, الخ

ودا طبعا بيخلي الضغط متأثر جدا وف حالة مش صحية , ومع الوقت بيكون سبب كبير الجلطات والسكتات , ربنا يحفظنا جميعا .

_________________________

#الملح أو الصوديوم بكل بساطة بيدخل الجسم بطرق متعددة وكتيرة !

” معظم أنواع الخضار ” وأهم الليمون ” , أنواع فاكهة كثيرة 

” زي المانجو والبرتقال ” , اى حاجة معلبة , 90% من السناكس الجاهزة ,

كل انواع الجبن , كل انواع الصلصات ,,, الخ “

فأنت الصوديوم كدا كدا داخل جسمك وبشكل يومي 

” يعني بنسبة 99% عمر ما جسمك ما يتأثر بالسلب سواء على المستوى العام تركيز او نشاط

أو ع مستوى التمرين كقوة وكفاءة , بسبب قلة الصوديوم , قلة الملح “

حتي لو انت مانع ملح ابيض ملح الطربيزة او المطبخ فبرده بيدخل لجسمك منه كم مناسب يوميا وجسمك هيكون طبيعي 1000% ,,, وتقدر تستغني تماما عن الملح ملح ابيض .

لكن انا من الكلام ومن المقال مش عاوز الناس تمنع الملح تماما او تستغني عنه تماما ملح طعام واكياس ملح ,,, لكن كل ال عاوزه هو #الترشيد 

وانك تكون فاهم انت بتاكل اى وال بتاكله دا هيعمل فيك ايه !

فارجو ان الناس تغيير من عاداتها وتقااليدها , طبق المخلل ع السفرة مش حاجة حرشة و هتخليك تبلع الاكل , ف العزومات انواع المخلل المتعددة مش هتخلي الناس تقول انت كريم اوى ولا بخيل ,,, ابنك وبيتك وال حواليك ع اساس ما تعودهم

ف ناس كتير بتاكل كل حاجة ملح خفيف , وانت بتشوف ان ازاى دا ومش متخيل حتى الفكرة وبتستغرب ازاى الناس دى مش بتاكل ملح كتير !

لكن كل الفكرة انت الي عودت نفسك على كدا عودت مخك وعقلك ع كدا

ان الاكل لو مش حادق مش بتحبه , مش تستطعمه , ومش هتعرف تاكل  !

ف حين ان دا ملهوش علاقة اصلا ,,, والاكل والطعم نفسه يعتمد ع طعم الحاجه 

والاكل نفسه , انك تدوق فعلا الاكل وطعم الحاجة نفسها , مش كل حاجة تبقي حادقة والسلام , ويبقي كدا انت بتاكل ولا بستطعم !

 

اشتري صحتك , واشتري مستقبلك 

كل حاجة بامر الله , لكن لا تلقوا بانفسكم الى التهلكة

المخلل كل فين وفين , اكلك وجباتك 

#توصي المدام او الوالدة او توصي نفسك

ان الملح يكون شعره , ع الهادي , ع خفيف 

واصبر شوية بس , وصدقني جسمك بيتعود ف خلال اسبوعين تلاتة

وبعد كدا اى حاجة مالحة او حادقة مش هتقدر تاكلها اصلا !

  آخر نقطة

, زي ما ناس كتير عارفه فملح الطعام مصدر قوي لل يود ,واليود دا مهم جدا للغدة الدرقية ومستويات الحروق وعمليات حيوية كتير ف الجسم ,,, في ناس ممكن تفتكر ان هم لو ماكلوش ملح خالص ” لو ” كدا ينظروا ومش هياخدوا يود كفاية جسمهم , في حابب اطمن الناس دي وافهمها ان اولا انت محتاج نسب بسيطة جدا جدا من اليود يوميا ,,, ثانيا اليود تقريبا موجود ف 70% من اى حاجة بتاكلها أو بتشربها ع مدار اليوم , وكدا كدا هيدخل لجسمك الكم الكافي لليود يوميا , حتى لو مستخدمتش ملح نهائيا “

,,,

يارب يكون المقال بسيط وواضح , وال عنده سؤال بخصوص الملح يتفضل

شير ,,, شير ف الافادة ونشر الوعي , ومنشن لل تعرفه بيكتر في الملح ومُصرف  ” مُصرف ولا مش مُصرف 😀 :V

‫0 تعليق

اترك تعليقاً