أضرار التونة المعلبة ( المفتتة والقطع )

https://musclesbuilding.net/أضرار-التونة-الم…ة-المفتتة-والقطع/
شارك هذه المقالة مع أصدقائك!

أضرار التونة المعلبة ( المفتتة والقطع )

هنتكلم النهارده عنأضرار التونة المعلبة ( المفتتة والقطع ) اللى كتير مننا بيعتمد عليها ف نظامهم الغذائي(خصوصا الرياضيين) كوجبة رخيصة وسريعة التحضير مليئة بالمكونات الصحية(بروتين أوميجا 3 فيتامينات الخ الخ)

نخش في المفيد على طول أضرار التونة المعلبة ( المفتتة والقطع )

أولا لازم تحط حاجتين ف دماغك عشآن ترتاح وانت بتتعامل مع التونه

#أولا.. سيبك م الهري ال كتييييير ال بتقرا عن فوائد أكل التونة والأكثار منها وأنها مفيده للجسم وأضرارها 0 والهبل دا كله

#ثانيا..شيل من دماغك القناعة بتاعت أن الشركه الفلانيه توبتها نضيفه عشان غاليه واسم كبير وإعلاناتها مالية التلفزيون إلخ الخ

دول أكذوبتان تجاريتين وهانتكلم فيهم بالتفصيل

وتعالى نشرحلك كام حاجه كدا قبل ما  اقولك ليه

1..سمكة التونة 8 أنواع وفي أبحاث بتقسمها ل13

أفضلها وأجودها التونة الحمراء اللحمودي طبعا عمرها ما بتتعمل معلبات

افضل  نوعين من سمك التونة

1..تونه بلوفاين

2..تونة ذات زعانف زرقاء(بلو فاين ياباني)

و الاتنين دول الكيلو منهم بيوصل مئات الدولارات حرفيا

  أوعى تصدق انك هاتروح لعم سمير البقال تشتري علبة تونه ب20 جنيه من الأنواع ال فوق دي

2..الأبحاث بتقول ان ارخص واسوء سمكة تونة من حيث التشبع بالزئبق هي

سكيب جاك (كاتسو أنوس بيلاميس)

مش محتاج فكاكه عشان أقولك أن الأسم دول مافيش غيره بيدخل مصر.. وأقسم بالله على ذلك

مش مصدق..طب قوم أمسك أي علبة تونة من جنبك(مصرية)

“لو لقيت أسم غير ال2 دول هانزلك إعتذار رسمي على صفحتي

3..الأبحاث برضو بتقول.

بأنها توصي بالبعد عن 3 دول عالميا في استيراد التونة المعلبة

اسوء الدول المصنعة للتونة الـ 3 حسب الترتيب

1..تايلاند

2..الصين

3..فيتتام

لتشبع أسماكها بالزئبق..وعدم إرتفاع المقاييس الصناعية والرقابة على المنتجات في هذه الدول

واستخدام مواد حافظه مضره

طبعا مش محتاج أحلف لك أن ال3دول دول هما بس اللي نستورد منهم

وإن 80%من التونة المصريه جايه من تايلاند

وراجع المكتوب على نفس ذات العلبه ال ف أيدك هتتأكد من كلامي

 

أهم 3 نقاط عن التونة..

1..مشاكلها

2..نستخدمها إزاي

3..اجيب نوع ايه  

 مشاكل  الزئبق في التونة

متشبعة بالزئبق ال يكاد يكون من أقوى المواد السامة على وجه الأرض في جرعاته الغاليه

.. تتكون بها مادة سامة شديدة الضرر أسمها (نيترو آمين)ودي تطلقها الأحماض الأمينية في لحم التونة عن حفظها لمدة طويلة

زيتها ومادتها الملحية مليئة بالمواد الحافظة الضارة والمدمرة للكبد والكلى

على فكرهالكلام دا مش من تأليفي

ال بيقول كدا منظمة الصحة العالمية و12 بحث موثق

منهم بحث محترم جدا

ل الأستاذ الدكتور محمد سعد أستاذ ومدرس الكيمياء الحيوية بجامعة القاهرة

وطبعا الكلام دا كله يطرمخ عليهلأن السوق المصري من أعلى الأسواق عالميا في استهلاك التونة المضروبة

ونستهلك منها سنويا عشرات الآلاف من الأطنان

أضرار   علب التونة فى مصر

طب ايه ال بيحصل فى مصر

كل واحد معاه قرشين بيخش ع النت.. ويضرب سؤال على عم #جوجل ازاى استورد تونه

وطبعا كل همهم المكسبوبما انه مصري.. بيختار الشركات التايلاندية خاصة أو شركات شرق آسيا عموما

لأن سعرها تراب.. وعندها استعداد ترضيه بأي شكل

ويتفق على أداء نوعي سمك سكيب جاك والتانيه دي ال انا قلت أسمها المعقد ونسيته

وال بيحصل من الشركه الآتي

كعور وادي الأعور

السمكه بتتقسم وتتقطع نصين

نص زباله ال هو البطن والزعانف بالشوك بالجلد بالرأس وتفرم.. وتقدم ليك تحت أسم شيك الـ هو (تونة مفتته داكنة اللون)وانت يا غلبان طبعا مش عارفه داكن اللون ومفتت ليه

أما باقي السمكه(ال هي أصلا سمكه زباله)الظهر بيتقسم حتت تحت مسميات شيك(قطعة قطع فصوص) ويتباع لك على أنه أفخم الأنواع

أضرار علب التونة

عايز تقول ان كل شركات التونة المصريه مضروبه

أيون للأسف.. وهخليك بنفسك تتأكد من كدا ب3 أو 4 خطوات صغيرين

..اعمل بحث عن أسوأ دول عالميا في تعليب التونة وقارنها بالمنتجات المصرية

.. أعمل بحث عن أسوأ سمكتي تونه من حيث التشبع بالزئبق وقارنهم بالعلبه ال ف أيدك

.. أعمل سيرش عن سعر كيلو سمكة التونة عالميا مقارنة بالسعر ال انت بتشتري بيه ف مصر(ملحوظة)سعر الكرتونه 7 كيلو تقريبا 8 دولار من بلدها

منهم هامش ربح وسعر زيت وعماله ومواد تغليف وربح

انت ال بتخدع نفسك بنفس الطريقه اللي تشتري بيها كيلو ال لانشون ب30 جنيه وتقنع نفسك أنه لحم بقرى ممتاز

انواع التونة في مصر

بس التونه فى مصر فيها حاجات نضيفه و طعمها كويس

ولا تفرق

الخامه واحد والسمك واحدوبلد المنشأ واحد

الموضوع بالظبط زي ما تكون قسمت فرخه نصين و2 ستات أتقسمت عليهم

واحده ناصحه وطبيخها حلو.. ووحده عندها تكسح وبوظته

في النهاية الفرخه الغلبانه ملهاش ذنب

وعلى فكره

سيبك من موضوع انك بتاكل التونة عشان هي أعلى مصدر للاوميجا 3

لأن الاوميجا خلال أيام يتحلل في الزيت والمادة الملحية ال ماليه العلبه

طرق اختيار التونة المعلبة

طب يعني ما ناكلش تونه خالص

أنا مقولتش كدا..

حابب التونة وبتتوحم عليها قدامك 3 طرق

1.. تجيب نوع مش مصري..(أفضلهم الأوروبي والتونسي)

و تتأكد انهم مش من الدول ولا السمك السابق ذكره

2.. اعملها ف البيت زى مانا بعمل وهاتكون أوفر وانضف واضمن بكتير

ولو مالقيتش سمكة التونة اعملها والماكريل ومش ها تفرق

طرق عمل التونة ف البيت

3 اشتري المصري بس بمواصفات خاصة وهي

المواصفات الصحية  للتونة

1..أبعد تماما عن المفتت

2..اغسلها كويس بخل ومياه من زيتها ومحلولها الملحي

3..متستهلكش أكثر من الحد الأقصى منها شهريا ال هو 300 جرام(متوسط علبتين)

4..أحرص على شراء صلاحيات حديثه لم تتعدى ال 6 شهور

5..ماتقولهاش لحوامل مطلقا والأطفال لا تصل حتى الجرعة المسموح بها

6..حاول تشتريها من تاجر الجملة مباشرة بتكون صلاحيات حديثة وسعر كويس

7..أحكم عليها بالتجربة وابعد عن الأسماء الغال

‫0 تعليق

اترك تعليقاً