نصائح تمارين الترايسبس ضخامة
مساء الجمال , نصيحة سريعة ليوم التراي نصائح تمارين الترايسبس ضخامة :-
” وانت بتلعب اى تمرين التراي , متفردش ايدك 100%
Don’t Lock Your Elbow
يعني متكلبش كوعك للآخر , دايما سيب سنة كسرة بسيطة ف الاخر
يعني افرد مدى 90 – 95 % فقط , متجيبش ال 100% فرد “
ودا ليه دور مهم جدا اولا دور وقائي , بيحافظ ع المفصل من الخشونة المستقبلية
ثانيا , ليه دور مهم جدا انك متحسش بالأوجاع أثناء تمرين الذراع او اى تمرين تاني سواء للصدر او لاي حاجة تانية ,,,
فانت ممكن يكون كوعك بيوجعك وف حاجات كتير مش بتعرف تمرنها بسبب ألم في الكوع , وممكن السبب ببساطة يكون عشان انت بتفرد ايدك للآخر في تمارين التراي !
بالنصيحة دي بسيطة جدا , لكن صدقني مهمة جدا جدا
خلي بالك ! حاجات صغيره اه بس دورها وفكرتها كبيرة جدا
??
مع خباز العضلات ,,,
نسمي الله و ونشوف تاني سر,,, هنتكلم فيه عن :-
تمرين تحفة للتراي … ويشغل تقريبا كل الألياف العضلية لعضلة ,,, خصوصا الجزء الجانبي من التراي ,,, ال هو الجزء ال باين عند عمرو دياب وبيتصور بيه دايما 😀
لكن عايزكوا تعرفوا حاجة …
Triceps Dips
التمرين دا مفيش اى داعى انك تقعد تجمع كل طارات الجيم وتحطها ع رجلك …
طيب ليه ؟
= اولا ميكانيكا الوزن ال انت بتحطه دا … مش هتحس بيه اصلا بالكم ال انت متخيله
يعني مثلا حطيت طارة 20 كجم … ال دراعك يرفعه من الوزن ال حطيته دا
ميتعداش 5 كجم … يعني ال بيحط 3 – 4 طارات وفرحان وفاكر انه كدا عامل حاجة كبيرة
احب اصدمك و اقولك ان الوزن دا نازل ع رجلك ورجلك هي ال شايلاه 😀
و دراعك والتراي مش هيستفاد من الوزن دا زي ما انت متخيل …
= طبيا تشريحيا … الكتف يكون في وضع عُرضة للإصابة … لقدر الله لو ايدك اتزحلقت منك بسبب العرق أو الدكة او اى حاجة … ممكن تتصاب … فلازم متضغطش نفسك في التمرين دا … وانت بتلعب تكون مرتاح مش مرتبك … عشان تكون ف الامان .
نصيحة
” تمرين الضغط الخلفي … هو تمرين أداء … مش تمرين اوزان …
يعني انت العبه صح وبالعقل … هتستفاد منه 100% …
مش مطلوب منك ابدا تحط وزن ع رجلك “
“”” اخر حاجة ,,, لو عندك وجع ف كتفك او اى اصابة ف كتفك
,,, اي التهاب او تمزق خفيف أو شديد ,,,
بلاش تلعب التمرين دا , عشان هو محتاج كتف قوي ومحتاج ميكنش فيه اى اصابات “””
” وكمان لو ف اصابة ف كوعك , بلاش , يعني من الاخر تلعب التمرين دا وانت كوعك وكتفك وكل مفاصل دراعك سليمة 😀 من صباعك الصغير لحد ودنك 😀 :V “
, العضلة الثلاثية الرؤوس
وهناخد السر الثالث
هنتكلم فيه عن تمرينين للتراي ,,,من أهم التمارين لعضلة التراي
شوية ملحوظات وتعليمات صغيرة
لكل واحد فيهم بحيث تلعبها صح 100% وتستفيد اقصي استفادة ممكنة
بسم الله :-
1 – تمرين تجميع فرنساوي dumbbell french triceps
== اكتر حاجة ممكن تسمعها وف الغالب سمعتها وانت تلعبها قبل كدا
“”” اقفل كوعك يا كوتش ,,, ضم كوعك جنب راسك ,,, متسيبش ايدك تفتح يا كوتش “””
الكام جملة دول ,,, ولا ليهم اى لزمة ,,, مش ف محلهم اطلاقا
التمرين دا انت مش مُجبر انك تقفل كوعك جنب راسك عشان يبقي كدا انت بتلعب صح
او ان التمرين هيكون كفائته 100% .
== ف التمرين دا اهم حاجة انك تنزل بالدمبل للاخر
“” والآخر = أن الدمبل يختفي ورا راسك ,,, زي الصورة ,,, بحيث وانت باصص ف المرايا متشوفوش ,,,
_ والنقطة دي تنطبق بالمثل ع الفرنساوي الفردي _ “”
== لكن انك تقفل كوعك اوي او تشغل بالك بدا ,,, فدا مش صح ,, سيب ايدك معتدلة
وسيبها تاخد الوضع التشريحي المناسب لجسمك
” مقفولة سنة ,, مفتوحة سنة ,,, ف النص ” مفيش مشكلة ,,, المهم تنزل لتحت للاخر زي ما اتفقنا .
2 – تمرين الرفس kickback triceps
من اهم التمارين ومن اكتر التمارين اللى بحبها ,,, ومن أكثر التمارين ال تقدر تقول انك ممكن تشوف نتيجته ف ساعتها ?
== وانت بتلعب التمرين دا لازم تكون ساند بايدك التانية ” ال مش بتلعب بيها ” ع اى حاجة قدامك ,,, سواء دكة او حامل الدمبلز او حتي ع ركبتك ,,,
ودا عشان تريح ضهرك وتشيل الحمل والتوتر ال هيحصل عليه بسبب التوطية ,,,
وعشان التركيز وضخ الدم يكون في الأساس رايح لذراعك والتراي …
” وركز برده اوي ,,, بعد ما بتتني ظهرك ,,, لازم تتني ركبتك شوية زي الصورة ,,, عشان متضغطش ع ضهرك بالسلب , عشان ضهرك يكون مرتاح وف وضع صحيح تماما ” .
== ف التمرين دا ركز اوي اوي ,,, واعرف ان كوعك فقط هو الذي يتحرك
متحركش كتفك ولا تمرجح ,, انت بتاخد وضعك ,,, بتتني ظهرك وبتسند بايدك ,,,
بترفع كتفك لورا ,,, بتثبت كوعك ,,, وبعدها بتتني وبتفرد كوعك وفقط ,,,
وكل ما انت هتكون مثبت نفسك صح ,,, كل ما هتحس بالتمرين اكتر واكتر .
مساء الجمال ❤
