تكوير عضلة الباي
دايما اهم حاجة تكون فاهم انت بتعمل اى واللى بتعمله دا هتاخد منه اى بالظبط وزي ما تعودتوا معايا دايما بفضل الله في شرح كل التفاصيل والتركات الداخليه التمرين او للاكل والشرب و تكوير عضلة الباي .
هنتكلم دلوقتي عن تكوير عضلة الباي شرح تمارين الباي بالدمبل , وهنعرف ايه الفرق بينهم
تمارين :-
” دمبل تبادل – دمبل فردي على الحصان – دمبل ارتكاز “
وسمي الله ويلا نعرف ونفهم التمارين نفسها , كل تمرين بتاع اى ويستهدف اى بالظبط :-
اولا تمرين رقم 1 دمبل تبادل عضلة الباي
ودا تمرين التبادل , بيكون هدفه الاساسي هو ان يشغل عضلة الباي في المدى الحركي الكامل ال ربنا خالقها فيه , يعني بيشغل الألياف العضلية كلها في المدي الحركي بتاع العضل , وهو اهم تمرين لعضلة الباي اطلاقا !
ثالثا تمرين رقم 2 دمبل ارتكاز عضلة الباي
ودا تمرين الارتكاز او زي ما بيتقال عليه تكوير ,,, لكن هل هو بيعمل ” تكوير ” فعلا ؟
– بص يا سيدي مفيش حاجة اسمها تكوير , هي مش حتة صلصال وقابلة ل انك تعملها اشكال هندسية , لكن التمرين دا مفيد جدا فعلا ومميز جدا , بس ازاى ؟!
التمرين دا بيعمل حاجتين :-
- بيخلي جزء العضلة ال ف النص بالتحديد ينقبض باكبر شكل ممكن وبيطلع اقوي تنشن واقوي انقباض عضلى فى وضع النهاية
-
- ” وانت رافع الدمبل فوق “
-
- بيشغل ويزود انقباض والضغط على الجزء الخارجي – الجانبي من عضلة الباي .
ومن الحاجتين دول , دا يترتب عليه ان التمرين ده يعتبر بيزود من مساحة العضلة بالعرض , يزود تكتل العضلة عرضيا
من الداخل للخارج , العضلة تأخذ شكل منتفخ وممتلئ , وعشان كدا اتقال عليه تكوير , لكن هي مش تكوير ولا حاجة , ع قد ما هي زيادة عرضية وزيادة نمو وتطور الجزء الجانبي الخارجي من عضلة الباي .
ثانيا تمرين رقم 3 دمبل فردي على الحصان عضلة الباي
ودا تمرين الفردي ع الحصان السكوت , ودا هدفه انه يعمل استطالة للألياف العضلية بأكبر كم ممكن , ويزود مساحة العضلة طوليا ,,, والتمرين ده عشان تلعبها صح اوي وتستفيد منه اوي لازم تهتم اوي جزء الحركة السلبى
يعني وانت نازل بالوزن , الجزء دا هو الذي يعمل الاطالة والاسترتش العضلة ويزيد من مساحتها الطولية , ولما تلعب بتركيز وانت نازل بالدمبل
ده هيديك الفائدة القصوى لتمرين الفردي عالحصان .
بس يا سيدي خلصنا خلاص
يارب يكون الشرح واضح وبسيط , وفهمنا كل تمرين يتميز عن الثاني ب أي
وبيعمل ايه بالظبط
وال عنده اى سؤال خاص خاص تمرينة الباي يتفضل يكتبه
شير ,,, منشن لصاحب التمرين
وعاش العاش ع احلي ناس ?????
