اسرار تضخيم عضلة القطنية
مساء الفل 
نسمي الله هنتكلم شوية عن اسرار تضخيم عضلة القطنية
اولا
اي الفرق بين القطنية ع الجهاز … والقطنية بالوزن بالبار “ديد ليفت ” ؟
نركز سوا ” القطنية زيها زي اي عضلة في الجسم … بيحصلها ضخامة … ويحصلها نحت وتنشيف
المحفز الرئيسي للضخامه ؟
هو زيادة وقوة الوزن … لكن بشرط مع الأداء والتكنيك المظبوط
يبقي القطنية محتاج تضخمها وتكبر من حجمها اكتر واكتر … يبقى ضروري انك تلعب تمرين الديدلفت … وتقل وزن ” زود وزن ” لكن بالعقل وواحدة واحدة
هتقولي طب ما انا ممكن العب ع الدكة وامسك طارة ف ايدي O.o *
هقولك ممكن فعلا … بس النتيجة والتأثير مش هيكونوا زي الديدليفت ابدا … من حيث الرغبة ف الضخامة “
________________________________________
ثانيا
نصايح MusclesBuilding بخصوص القطنية :-
– القطنية مهمة جدا وعضلة اساسية وروعه للقوة العامة للجسم فأوعى تهملها .
– لما تلعب القطنية حاول تجمع بين الاتنين … قطنية ع الدكة … و ديدليفت .
– القطنية ع الدكة هي تمرين أداء وتكنيك صح ,,, قبل ما تفكر تشيل وزن وتمسك طارة ف ايدك لازم تلعبها صح ,,, وف القطنية ع الدكة
” العب ببطء وبراحة ,,, تطلع براحة ,,, تنزل براحة
هتلاقي القطنية ولعت ????? ,,, وبتشتكي لك وبتقولك ارحمني حرام عليك ? .
– لما تلعب قطنية ع الدكة … متطلعش فوق اووووي … يعني اخرك زي الصورة … انما لما تطلع فوق اكتر من كدا انت كدا مش هتستفاد حاجة .
من اول المبتدأ للمتقدم , للبطل , شوفه بتركيز هيفرق معاك جدا “
تمرين الديد ليفت
– تمرين الديد ليفت من التمارين المهمة جدا لتحسين وتقوية القوة العامة للجسم Overall Power ومن التمارين ال بتعلي من افراز هرمونات النمو بطريقة كبيرة جدا .
– تمرين الديد ليفت تمرين وزن وأداء … يعني محتاج فعلا انك تزود وزن لكن يكون بالعقل وبدون مبالغه و سذاجه .
– ممنوع تلعب ديد ليفت لو عندك إصابة حديثة في ظهرك ,, أو أصابه متتعلجتش صح ومستمرة معاك … غضروف او مزق 
.
– بلاش ديدليفت لو لسه مبتدأ ” ولسه معندكش كتلة عضلية ” ” مبتدأ يعني ايه يعني لسه ف اول 3 – 5 شهور ليك ف الجيم ” .
مينفعش ” مش مستحب ” تبدأ الديد ليفت ف اول التمرين ,,, ناس كتير تعارضني ف النقطة دي
” لكن انا مدرستي الخاصة أول مبدأ فيها هو السلامة والأمان , فأنت عشان تكون ف الامان ومتكنش عُرضة للاصابة او الاذي متلعبش الديدليفت ف البداية وف اول التمرين “
خليها ف اخر او نص التمرين ,, عشان دا تمرين تقيل ومحتاج يكون جسمك بقي نشط و سخن كفاية وعضلاتك فى اتم استعداد .
– الديد ليفت هو تمرين يستهدف عضلات الظهر اولا واخرا
خصوصا عضلات أسفل الظهر لكن بيشغل عضلات الرجل كمان لكن كمان ف تكنيك معين بيكون خاص عضلات الرجل الخلفية
بدرجة كبيرة أكبر حتى من الضهر … لكن التكنيك دا لازم تكون انت فاهمه وعارفه او يكون حد متخصص هو ال قالك عليه و يكون معاك فيه ويشرح لك لو مش عارفه مجربتهاش قبل كدا ,,, وهو انك :-
” وانت طالع وانت نازل رجلك مفرودة مبتتنيش ,,, وكمان وانت بتطلع لفوق مبتيفردش ظهرك 100% ,,, بتطلع 90% ع الاكثر , وانا نزلت مقال كامل خاص بشرح التكنيك دا ع الصفحة هتلاقيه ف الكومنت “
– اخر حاجة واهم حاجة ,,,, وانت بتتمرن ديدليفت … لو هتقل اوزان جامد . أو عضلاتك ضعيفة نسبيا ياريت تكون لابس حزام الفقرات ” حزام الظهر ” … امان ليك من اى اصابه لقدر الله .
